Schriefwärk van de Noord Veluwe

Dit gedichie heb ik evunnen onder in 'n lae bie 't oprumm van mien wärkaemer.
De schriever is onbekend maer soms had ik 't kunn schrieven.
Ik vunne ok nog 2 Haykoe's.
Heel knap um dinge in 3 regels te beschrieven.

Geniet d'r van!

Cor Rorije. Heerde

Lèèftied?

Wat as oe 's märgens 'n old gezichte ankik.
Hej gistern behoolek fees ehäd?

Wat as 's märgens oe bottn begint te kraekn.
Hej dan gistern holt ehakt?

Wat as 's märgens oe kniene niet meer zo gaot.
Hej dan gistern te veule achter de balle van oe kleinkind erend?

Wat aj 's märgens oe veters niet meer dicht kunt maekn.
Hej dan al 'n paer weekn goed egèètn?

Wat aj 's märgens oe brood meujleker kunt vinn.
Hej dan 't lich vergèètn an te doen?

Aj op al dissen vraogen ja kunt zeggn geet 't wel goed.
Aj anders muttn antwoord kuj altied zeggen;
Maer ik bin ok al 65 jaor ewes!!!



Vlinder.

Rooje, blauwe en bruune kleurties.
Met zwärte gebeugen streepies.
'n Zwevend brandschilderraem.



Donderbuuje

Grote grieze, grauwe krulln in de luch.
Jaegt as peerdn langs 't zwärk.
De zweppe gif lich af.



  Terug naar vorige pagina






  Website
  woordnboek D -> NL
  woordnboek NL -> D

Hie kump achterumme